Posted by राहुर्दानवमन्त्री च सिंहिकाचित्तनन्दनः ।
अर्धकायः सदा क्रोधी चन्द्रादित्यविमर्दनः ।।1।।
रौद्रो रुद्रप्रियो दैत्यः स्वर्भानुर्भानुभीतिद:।
ग्रहराजः सुधापायी राकातिथ्यभिलाषुक: ।।2।
कालदृष्टिः कालरूपः श्रीकण्ठहृदयाश्रय: ।
विधुन्तुदः सैंहिकेयो घोररूपो महाबल: ।।3।।
ग्रहपीडाकरो दंष्ट्री रक्तनेत्रो महोदर: ।
पञ्चविंशतिनामानि स्मृत्वा राहुं सदा नर: ।।4।।
यः पठेन्महती पीडा तस्य नश्यति केवलम् ।
आरोग्यं पुत्रमतुलां श्रियं धान्यं पशूंस्तथा ।।5।।
ददाति राहुस्तस्मै यः पठते स्तोत्रमुत्तमम् ।
सततं पठते यस्तु जीवेद्वर्षशतं नर: ।।6।।
श्रीस्कन्दपुराणे श्री राहुपञ्चविंशतिनामस्तोत्रं सम्पूर्णम
