श्रीहनुमत्सहस्त्रनाम स्तोत्रम

on

images (7)
हनुमान्श्रीप्रदो वायुपुत्रो रुद्रोsनघोsजर: ।
अमृत्युर्वीरवीरश्च ग्रामवासो जनाश्रय: ।।1।।

धनदो निर्गुणोsकायो वीरो निधिपतिर्मुनि: ।
पिंड्गाक्षो वरदो वाग्मी सीताशोकविनाशन: ।।2।।

शिव: सर्व: परोsव्यक्तो व्यक्ताव्यक्तो रसाधर: ।
पिंड्गकेश: पिंड्गरोमा श्रुतिगम्य: सनातन: ।।3।।

अनादिर्भगवान देवो विश्वहेतुर्निरामय: ।
आरोग्यकर्ता विश्वेशो विश्वनाथो हरीश्वर: ।।4।।

भर्गो रामो रामभक्त: कल्याणप्रकृति: स्थिर: ।
विश्वम्भरो विश्वमूर्तिर्विश्वाकारोsथ विश्वप: ।।5।।

विश्वात्मा विश्वसेव्योsथ विश्वो विश्वहरो रवि: ।
विश्वचेष्टो विश्वगम्यो विश्वध्येय: कलाधर: ।।6।।

प्लवंड्गम: कपिश्रेष्ठो ज्येष्ठो वैद्यो वनेचर: ।
बालो वृद्धो युवा तत्वं तत्वगम्य: ह्यज: ।।7।।

अंजनासूनूरव्यग्रो ग्रामख्यातो धराधर: ।
भूर्भुव: स्वर्महर्लाको जनलोकस्तपोsव्यय: ।।8।।

सत्यमोंकारगम्यश्च प्रणवो व्यापकोsमल: ।
शिवधर्मप्रतिष्ठाता रामेष्ट: फाल्गुनप्रिय: ।।9।।

गोष्पदीकृतवारीश: पूर्णकामो धरापति: ।
रक्षोघ्न: पुण्डरीकाक्ष: शरणागतवत्सल: ।।10।।

जानकीप्राणदाता च रक्ष:प्राणापहारक: ।
पूर्ण: सत्य: पीतवासा दिवाकरसमप्रभ: ।।11।।

देवोद्यानविहारी च देवताभयभंजन: ।
भक्तोदयो भक्तलब्धो भक्तपालनतत्पर: ।।12।।

द्रोणहर्ता शक्तिनेता शक्तिराक्षसमारक: ।
अक्षघ्नो रामदूतश्च शाकिनीजीवहारक: ।।13।।

बुबुकारहतारातिर्गर्वपर्वतमर्दन: ।
हेतुस्त्वहेतु: प्रांशुश्च विश्वभर्ता जगदगुरु: ।।14।।

जगन्नेता जगन्नाथो जगदीशो जनेश्वर: ।
जगद्धितो हरि: श्रीशो गरुडस्मयभंजन: ।।15।।

पार्थध्वजो वायुपुत्रोsमितपुच्छोsमितविक्रम: ।
ब्रह्मपुच्छ: परब्रह्मपुच्छो रामेष्टकारक: ।।16।।

सुग्रीवादियुतो ज्ञानी वानरो वानरेश्वर: ।
कल्पस्थायी चिरंजीवी तपनश्च सदाशिव: ।।17।।

सन्नत: सद्गतिर्भुक्तिमुक्तिद: कीर्तिदायक: ।
कीर्ति: कीर्तिप्रदश्चैव समुद्र: श्रीपद: शिव: ।।18।।

भक्तोदयो भक्तगम्यो भक्तभाग्यप्रदायक: ।
उदधिक्रमणो देव: संसारभयनाशन: ।।19।।

वार्धिबन्धनकृद विश्वजेता विश्वप्रतिष्ठित: ।
लंकारि: कालपुरुषो लंकेशगृहभंजन: ।।20।।

भूतावासो वासुदेवो वसुस्त्रिभुवनेश्वर: ।
श्रीरामरूप: कृष्णस्तु लंकाप्रासादभण्जक: ।।21।।

कृष्ण: कृष्णस्तुत: शान्त: शान्तिदो विश्वपावन: ।
विश्वभोक्ताथ मारघ्नो ब्रह्मचारी जितेन्द्रिय: ।।22।।

ऊर्ध्वगो लांड़्गुली माली लांड़्गूलाहतराक्षस: ।
समीरतनुजो वीरो वीरतारो जयप्रद: ।।23।।

जगन्मंड्गलद: पुण्य: पुण्य़श्रवणकीर्तन: ।
पुण्य़कीर्ति: पुण्यगतिर्जगत्पावनपावन: ।।24।।

देवेशो जितमारोsथ रामभक्तिविधायक: ।
ध्याता ध्येयो लय: साक्षी चेता चैतन्यविग्रह: ।।25।।

ज्ञानद: प्राणद: प्राणो जगत्प्राण: समीरण: ।
विभीषणप्रिय: शूर: पिप्पलाश्रयसिद्धिद: ।।26।।

सिद्ध: सिद्धाश्रय: कालो महोक्ष: कालजान्तक: ।
लंड्केशनिधनस्थायी लंड्कादाहक ईश्वर: ।।27।।

चन्द्रसूर्याग्निनेत्रश्च कालाग्नि: प्रलयान्तक: ।
कपिल: कपिश: पुण्यराशिर्द्वादशराशिग: ।।28।।।

सर्वाश्रयोsप्रमेयात्मा रेवत्यादिनिवारक: ।
लक्ष्मणप्राणदाता च सीताजीवनहेतुक: ।।29।।

रामध्येयो हृषीकेशो विष्णुभक्तो जटी बली ।
देवारिदर्पहा होता धाता कर्ता जगत्प्रभु: ।।30।।

नगरग्रामपालश्च शुद्धो बुद्धो निरत्रप: ।
निरंजनो निर्विकल्पो गुणातीतो भयंकर: ।।31।।

हनुमांश्च दुराराध्यस्तप:साध्यो महेश्वर: ।
जानकीधनशोकोत्थथापहर्ता परात्पर: ।।32।।

वाड़्मय: सदसद्रुप: कारणं प्रकृते: पर: ।
भाग्यदो निर्मलो नेता पुच्छलंड़्काविदाहक: ।।33।।

पुच्छबद्धयातुधानो यातुधान्रिपुप्रिय: ।
छायापहारी भूतेशो लोकेश: सदगतिप्रद: ।।34।।

प्लवंड़्मेश्वर: क्रोध: क्रोधसंरक्तलोचन: ।
सौम्यो गुरु: काव्यकर्ता भक्तानां च वरप्रद: ।।35।।

भक्तानुकम्पी विश्वेश: पुरुहूत: पुरंदर: ।
क्रोधहर्ता तमोहर्ता भक्ताभयवरप्रद: ।।36।।

अग्निर्विभावसुर्भास्वान यमो निरऋतिरेव च ।
वरुणो वायुगतिमान वायु: कौबोर ईश्वर: ।।37।।

रविश्चन्द्र: कुज: सौम्यो गुरु: काव्य: शनैश्चर: ।
राहु: केतुर्मरुद्धोता दाता हर्ता समीरज: ।।38।।

मशकीकृतदेवारिर्दैत्यारिर्मधुसूदन: ।
काम: कपि: कामपाल: कपिलो विश्वजीवन: ।।39।।

भागीरथीपदाम्भोज: सेतुबन्धविशारद: ।
स्वाहा स्वधा हवि: कव्यं हव्यवाहकप्रकाशक: ।।40।।

स्वप्रकाशो महावीरो लघुरूर्जितविक्रम: ।
उड्डीनोड्डीनगतिमान सदगति: पुरुषोत्तम: ।।41।।

जगदात्मा जगद्योनिर्जगदन्तो ह्यनन्तक: ।
विप्पाप्मा निष्कलंड़्कोsथ महान महदहड़्कृति: ।।42।।

खं वायु: पृथिवी चापो वह्निर्दिक्पाल एव च ।
क्षेत्रज्ञ: क्षेत्रहर्ता च पल्वलीकृतसागर: ।।43।।

हिरण्यमय: पुराण्श्च खेचरो भूचरोsमर: ।
हिरण्यगर्भ: सूत्रात्मा राजराजो विशाम्पति: ।।44।।

वेदान्तवेद्य उद्गीथो वेदवेदांड़्गपारग: ।
प्रतिग्रामस्थिति: सद्य:स्फूर्तिदाता गुणाकर: ।।45।।

नक्षत्रमाली भूतात्मा सुरभि: कल्पपादप: ।
चिन्तामणिर्गुणनिधि: प्रजाधारो ह्यनुत्तम: ।।46।।

पुण्यश्लोक: पुरारातिर्ज्योतिष्माण्शर्वरीपति: ।
किलकिलारावसंत्रस्तभूतप्रेतपिशाचक: ।।47।।

ऋणत्रयहर: सूक्ष्म: स्थूल: सर्वगति: पुमान ।
अपस्मारहर: स्मर्ता श्रुतिर्गाथा स्मृतिर्मनु: ।।48।।

स्वर्गद्वारं प्रजाद्वारं मोक्षद्वारं यतीश्वर: ।
नादरूप: परं ब्रह्म ब्रह्म ब्रह्मपुरातन: ।।49।।

एकोsअनेको जन: शुक्ल: स्वयण्ज्योतिरनाकुल: ।
ज्योतिर्ज्योतिरनादिश्च सात्त्विको राजसस्तम: ।।50।।

तमोहर्ता निरालम्बो निराकारो गुणाकर: ।
गुणाश्रयो गुणमयो बृहत्कर्मा बृ्हद्यशा: ।।51।।

बृहद्धनुर्बृहत्पादो बृहन्मूर्धा बृहत्स्वन: ।
बृहत्कर्णो बृहन्नासो बृहद्धाहुर्बृहत्तनु: ।।52।।

बृहज्जानुर्बृहत्कार्यो बृहत्पुच्छो बृहत्कर: ।
बृहद्गतिर्बृहत्सेव्यो बृहल्लोकफलप्रद: ।।53।।

बृहच्छक्तिर्बृहद्वाण्छाफलदो बृहदीश्वर: ।
बृहल्लोकनुतो द्रष्टा विद्यादाता जगद्गुरु: ।।54।।

देवाचार्य: सत्यवादी ब्रह्मवादी कलाधर: ।
सप्तपातालगामी च मलयाचलसंश्रय: ।।55।।

उत्तराशास्थित: श्रीदो दिव्यौषधिवश: खग: ।
शाखामृग: कपीन्द्रोsथ पुराणश्रुतिचण्चु: ।।56।।

चतुरब्राह्मणो योगी योगगम्य: परावर: ।
अनादिनिधनो व्यासो वैकुण्ठ: पृथिवीपति: ।।57।।

अपराजितो जिताराति: सदानन्दो दयायुत: ।
गोपालो गोपतिर्गोप्ता कलिकालपराशर: ।।58।।

मनोवेगी सदायोगी संसारभयनाशन: ।
तत्त्वदाताथ तत्त्वज्ञस्तत्त्वं तत्वप्रकाशक: ।।59।।

शुद्धो बुद्धो नित्यमुक्तो भक्तराजो जयद्रथ: ।
प्रलयोsमितमायश्च मायातीतो विमत्सर: ।।60।।

मायाभर्जितरक्षाश्च मायानिर्मितविष्टप: ।
मायाश्रयश्च निर्लेपो मायानिर्वर्तक: सुखम ।।61।।

सुखी सुखप्रदो नागो महेशकृतसंस्तव: ।
महेश्वर: सत्यसंध: शरभ: कलिपावन: ।।62।।

सहस्त्रकन्धरबलविध्वंसनविचक्षण: ।
सहस्त्रबाहु: सहजो द्विबाहुर्द्विभुजोsमर: ।।63।।

चतुर्भुजो दशभुजो हयग्रीव: खगानन: ।
कपिवक्त्र: कपिपतिर्नरसिंहो महाद्युति: ।।64।।

भीषणो भावगो वन्द्यो वराहो वायुरूपधृक ।
लक्ष्मणप्राणदाता च पराजितदशानन: ।।65।।

पारिजातनिवासी च वटुर्वचनकोविद: ।
सुरसास्यविनिर्मुक्त: सिंहिकाप्राणहारक: ।।66।।

लंड़्कालंड़्कारविध्वंसी वृषदंशकरूपधृक ।
रात्रिसंचारकुशलो रात्रिंचरगृहाग्निद: ।।67।।

किंड़रान्तकरो जम्बुमालिहन्तोग्ररूपधृक ।
आकाशचारी हरिगो मेघनादरणोत्सुक: ।।68।।

मेघगंभीर निनदो महारावणकुलान्तक: ।
कालनेमिप्राणहारी मकरीशापमोक्षद: ।।69।।

रसो रसज्ञ: सम्मानो रूपं चक्षु: श्रुतिर्वच: ।
घ्राणो गन्ध: स्पर्शनं च स्पर्शोsहंड़्कारमानग: ।।70।।

नेतिनेतीतिगम्यश्च वैकुण्ठभजनप्रिय: ।
गिरीशो गिरिजाकान्तो दुर्वासा: कविरंड़्गिरा: ।।71।।

भृगुर्वसिष्ठश्च्यवनो नारदस्तुम्बरोsमल: ।
विश्वक्षेत्रो विश्वबीजो विश्वनेत्रश्च विश्वप: ।।72।।

याजको यजमानश्च पावक: पितरस्तथा ।
श्रद्धा बुद्धि: क्षमा तन्द्रा मन्त्रो मन्त्रयिता स्वर: ।।73।।

राजेन्द्रो भूपती रुण्डमाली संसारसारथि: ।
नित्यसम्पूर्णकामश्च भक्तकामधुगुत्तम: ।।74।।

गणप: केशवो भ्राता पिता माता च मारुति: ।
सहस्त्रमूर्द्धानेकास्य: सहस्त्राक्ष: सहस्त्रपात ।।75।।

कामजित कामदहन: काम: कामफलप्रद: ।
मुद्रापहारी रक्षोघ्न: क्षितिभारहरो बल: ।।76।।

नखंदष्ट्रायुधो विष्णुर्भक्ताभयवरप्रद: ।
दर्पहा दर्पदो दंष्ट्राशतमूर्तिरमूर्तिमान ।।77।।

महानिधिर्महाभागो महाभर्गो महर्द्धिद: ।
महाकारो महायोगी महातेजा महाद्युति: ।।78।।

महासनो महानादो महामन्त्रो महामति: ।
महागमो महोदारो महादेवात्मको विभु: ।।79।।

रौद्रकर्मा क्रूरकर्मा रत्नलाभ: कृतागम: ।
अम्भोधिलड्घन: सिंह: सत्यधर्मप्रमोदन: ।।80।।

जितामित्रो जय: सोमो विजयो वायुनन्दन: ।
जीवदाता सहस्त्रांशुर्मुकुन्दो भूरिदक्षिण: ।।81।।

सिद्धार्थ: सिद्धिद: सिद्धसंकल्प: सिद्धिहेतुक: ।
सप्तपातालचरण: सप्तर्षिगणवन्दित: ।।82।।

सप्ताब्धिलंड्घनो वीर: सप्तद्वीपोरुमण्दल: ।
सप्तांगराज्यसुखद: सप्तमातृनिषेवित: ।।83।।

सप्तस्वर्लोकमुकुट: सप्तहोता स्वराश्रय: ।
सप्तच्छन्दोनिधि: सप्तच्छन्द: सप्तजनाश्रय: ।।84।।

सप्तसामोपगीतश्चप सप्तपातालसंश्रय: ।
मेधाद: कीर्तिद: शोकहारी दौर्भाग्यनाशन: ।।85।।

सर्वरक्षाकरो गर्भदोषहा पुत्रपौत्रद: ।
प्रतिवादिमुखस्तम्भो रुष्टचित्तप्रसादन: ।।86।।

पराभिचारशमनो दु:खहा बन्धमोक्षद: ।
नवद्वारपुराधारो नवद्वारनिकेतन: ।।87।।

नरनारायणस्तुत्यो नवनाथमहेश्वर: ।
मेखली कवली खड़्गी भ्राजिष्णुर्जिष्णुसारथि: ।।88।।

बहुयोजनविस्तीर्णपुच्छ: पुच्छहतासुर: ।
दुष्टग्रहनिहन्ता च पिशाचग्रहघातक: ।।89।।

बालग्रहविनाशी च धर्मनेता कृपाकर: ।
उग्रकृत्यश्चोग्रवेग उग्रनेत्र: शतक्रतु: ।।90।।

शतमन्युनुत: स्तुत्य: स्तुति: स्तोता महाबल: ।
समग्रगुणशाली च व्यग्रो रक्षोविनाशक: ।।91।।

रक्षोsग्निदाहो ब्रह्मेश: श्रीधरो भक्तवत्सल: ।
मेघनादो मेघरूपो मेघवृष्टिनिवारक: ।।92।।

मेघजीवनहेतुश्च मेघश्याम: परात्मक: ।
समीरतनयो योद्धा नृत्यविद्याविशारद: ।।93।।

अमोघोsमोघदृष्टिश्च इष्टदोsरिष्टनाशन: ।
अर्थोsनर्थापहारी च समर्थो रामसेवक: ।।94।।

अर्थिवन्द्योsसुराराति: पुण्डरीकाक्ष आत्मभू: ।
संकर्षणो विशुद्धात्मा विद्याराशि: सुरेश्वर: ।।95।।

अचलोद्धारको नित्य: सेतुकृद रामसारथि: ।
आनन्द: परमानन्दो मत्स्य: कूर्मो निराश्रय: ।।96।।

वाराहो नारसिंहश्च वामनो जमदग्निज: ।
राम: कृष्ण: शिवो बुद्ध: कल्की रामाश्रयो हरि: ।।97।।

नन्दी भृड़्गी च चण्डी च गणेशो गणसेवित: ।
कर्माध्यक्ष: सुराध्यक्षो विश्रामो जगतीपति: ।।98।।

जगन्नाथ: कपीशश्च सर्वावास: सदाश्रय: ।
सुग्रीवादिस्तुतो दान्त: सर्वकर्मा प्लवंड़्म: ।।99।।

नखदारितरक्षाश्च नखयुद्धविशारद: ।
कुशल: सुधन: शेषो वासुकिस्तक्षकस्तथा ।।100।।

स्वर्णवर्णो बलाढ्यश्च पुरुजेताघनाशन: ।
कैवल्यरूप: कैवल्यो गरुड: पन्नगोरग: ।।101।।

किलकिलरावहतारातिर्गर्वपर्वतभेदन: ।
वज्राड़्गो वज्रदंष्ट्रश्च भक्तवज्रनिवारक: ।।102।।

नखायुधो मणिग्रीवो ज्वालामाली च भास्कर: ।
प्रौढप्रतापस्तपनो भक्ततापनिवारक: ।।103।।

शरणं जीवनं भोक्ता नानाचेष्टो ह्यचंचल: ।
स्वस्तिमान स्वस्तिदो दु:खनाशन: पवनात्मज: ।।104।।

पावन: पवन: कान्तो भक्ताग: सहनो बली ।
मेघनादरिपुर्मेघनादसंहतराक्षस: ।। 105 ।।

क्षरोsक्षरो विनीतात्मा वानरेश: सतां गति: ।
श्रीकण्ठ: शितिकण्ठश्च सहाय: सहनायक: ।।106।।

अस्थूलस्त्वनणुर्भर्गो दिव्य: संसृतिनाशन: ।
अध्यात्मविद्यासारश्च ह्यध्यात्मकुशल: ।।107।।

अकल्मष: सत्यहेतु: सत्यद: सत्यगोचर: ।
सत्यगर्भ: सत्यरूप: सत्य: सत्यपराक्रम: ।।108।।

अंजनाप्राण्लिंड़्गश्च वायुवंशोद्भव: शुभ: ।
भद्ररूपो रुद्ररूप: सुरूपश्चित्ररूपधृक ।।109।।

मैनाकवन्दित: सूक्ष्मदर्शनो विजयो जय: ।
क्रान्तदिड़्मण्डलो रुद्र: प्रकटीकृतविक्रम: ।।110।।

कम्बुकण्ठ: प्रसन्नात्मा ह्रस्वनासो वृकोदर: ।
लम्बौष्ठ: कुण्डली चित्रमाली योगविदां वर: ।।111।।

विपश्चित्कविरानन्दविग्रहोsनल्पशासन: ।
फाल्गुनीसूनुरव्यग्रो योगात्मा योगतत्पर: ।।112।।

योगविद योगकर्ता च योगयोनिर्दिगम्बर: ।
अकारादिहकारान्तवर्णनिर्मितविग्रह: ।।113।।

उलूखलमुख: सिद्धसंस्तुत: प्रथमेश्वर: ।
श्लिष्टड़्घ: श्लिष्टजानु: श्लिष्टपाणि: शिखाधर: ।।114।।

सुशर्मामितशर्मा च नारायणपरायण: ।
जिष्णुर्भविष्णू रोचिष्णुर्ग्रसिष्णु: स्थाणुरेव च ।।115।।

हरिरुद्रानुसेकोsथ कम्पनो भूमिकम्पन: ।
गुणप्रवाह: सूत्रात्मा वीतरागस्तुतिप्रिय: ।।116।।

नागकन्याभयध्वंसी रुक्मवर्ण: कपालभृत ।
अनाकुलो भवोपायोsनपायो वेदपारग: ।।117।।

अक्षर: पुरुषो लोकनाथ: ऋक्षप्रभुर्दृढ: ।
अष्टांड़्गयोगफलभुक सत्यसंध: पुरुष्टुत: ।।118।।

श्मशानस्थाननिलय: प्रेतविद्रावणक्षम: ।
पंचाक्षरपर: पंचमातृको रंजनध्वज: ।।119।।

योगिनीवृन्दवन्द्यश्री: शत्रुघ्नोsनन्तविक्रम: ।
ब्रह्मचारीन्द्रियरिपुर्धृतदण्डो दशात्मक: ।।120।।

अप्रपंच: सदाचार: शूरसेनाविदारक: ।
वृद्ध: प्रमोद: आनन्द: सप्तद्वीपपतिन्धर: ।।121।।

नवद्वारपुराधार: प्रत्यग्र: सामगायक: ।
षटचक्रधाम स्वर्लोकाभयकृन्मानदो मद: ।।122।।

सर्ववश्यकर: शक्तिरनन्तोsनन्तमड़्गल: ।
अष्टमूर्तिर्नयोपेतो विरुप: सुरसुन्दर: ।।123।।

धूमकेतुर्महाकेतु: सत्यकेतुर्महारथ: ।
नन्दिप्रिय: स्वतन्त्रश्च मेखली डमरुप्रिय: ।।124।।

लौहाड़्ग सर्वविद्धन्वी खण्डल: शर्व ईश्वर: ।
फलभुक फलहस्तश्च सर्वकर्मफलप्रद: ।।125।।

धर्माध्यक्षो धर्मपालो धर्मो धर्मप्रदोsर्थद: ।
पंचविंशतितत्त्वज्ञस्तारको ब्रह्मतत्पर: ।।126।।

त्रिमार्गवसतिर्भीम: सर्वदु:खनिर्बहण: ।
ऊर्जस्वान निष्फल: शूली मौलिर्गर्जन्निशाचर: ।।127।।

रक्ताम्बरधरो रक्तो रक्तमाल्यो विभूषण: ।
वनमाली शुभाड़्गश्च श्वेत: श्वेताम्बरो युवा ।।128।।

जयोsजयपरीवार: सहस्त्रवदन: कपि: ।
शाकिनीडाकिनीयक्षरक्षोभूतप्रभंजक: ।।129।।

सद्योजात: कामगतिर्ज्ञानमूर्तिर्यशस्कर: ।
शम्भुतेजा: सार्वभौमो विष्णुभक्त: प्लवड़्गम: ।।130।।

चतुर्नवतिमन्त्रज्ञ: पौलस्त्यबलदर्पहा ।
सर्वलक्ष्मीप्रद: श्रीमानड़्गदप्रिय ईडित: ।।131।।

स्मृतिबीजं सुरेशान: संसारभयनाशन: ।
उत्तम: श्रीपरीवार: श्र्तो रुद्रश्च कामधुक ।।132।।

Advertisements

एक उत्तर दें

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदले )

Twitter picture

You are commenting using your Twitter account. Log Out / बदले )

Facebook photo

You are commenting using your Facebook account. Log Out / बदले )

Google+ photo

You are commenting using your Google+ account. Log Out / बदले )

Connecting to %s