शिवषडाक्षरस्तोत्रम

ऊँकारं विन्दुसंयुक्तं नित्यं ध्यायन्ति योगिन: ।
कामदं मोक्षदं चैव ऊँकाराय नमो नम: ।।1।।

नमन्ति ऋषयो देवा नमन्त्यप्सरसां गणा: ।
नरा नमन्ति देवेशं नकाराय नमो नम: ।।2।।

महादेव महात्मानं महाध्यानं परायणम ।
महापापहरं देवं मकाराय नमो नम: ।।3।।

शिवं शान्तं जगन्नाथं लोकानुग्रहकारकम ।
शिवमेकपदं नित्यं शिकाराय नमो नम: ।।4।।

वाहनं वृषभो यस्य वासुकि: कण्ठभूषणम ।
वामे शक्तिधरं देवं वकाराय नमो नम: ।।5।।

यत्र यत्र स्थितो देव: सर्वव्यापी महेश्वर: ।
यो गुरु: सर्वदेवानां यकाराय नमो नम: ।।6।।

षडक्षरमिदं स्तोत्रं य: पठेच्छिवससन्निधौ ।
शिवलोकमवाप्नोति शिवेन सह मोदते ।।7।।

इति श्रीरुद्रयामले उमा – महेश्वर संवादे शिवषडाक्षर स्तोत्रं सम्पूर्णम ।।76।।